نظام غذائى مريح جدا وعن تجربة خسيت 6 كيلو ف اسبوع واحد .. مستنية اية يلا تعاااالى

نظام غذائى مريح جدا وعن تجربة خسيت 6 كيلو ف اسبوع واحد .. مستنية اية يلا تعاااالى
يا بنات
النظام الغذائى دا انا كنت ماشية علية
كنت بخس 5 أو 6 كيلو ف الاسبــوع الواحد
بس طبعا الريجيم لازم يبقالة شوية تحابيش
زى المشى والرياضة ودول مهمين جدا عشان يشدوا الجلد وميبقاش فى ترهلات
ومتخافوش النظام مليان اكل ومش هيتعبكم خالص ومش هتحسوا بفرق
اوك يا حبايبى
يلا نبدا ...,

الأفطار :-

1/2 رغيف اسمر +مقدار ما يكفى من الغموس المتوفر ( جبن أو فول أو بيض بدون صفار ) +كوب حلبة بحلب أو ينسون أو كراوية أو مرمرية أو جنزبيل

بين الافطار والغذاء تناول كوب زبادى أو خيار أو جزر أو خس

الغذاء :-

1/2 رغيف اسمر أو 6 معالق أرز أو 6 معالق مكرونة أو 6 اصابع محشى
+ طبق سلطة مكون من ( بقدونس و شبت و كسبرة و خيار و 1/4 طمطماية و 1/2 ليمونة و جزر و جرجير و خس ) + طبق شوربة خضار أو خضار سوتية مطهى بزيت الذرة أو زيت الزيتون + قطعة من اللحم أو الفراخ المسلوقة أو المشوية أو سمك مشوى فقط

بين الغذاء والعشاء تناول عدد 2 قطعة من الفاكهة من نوع واحد فى اليوم أو الجزر أو خس


العشاء :-

1/2 رغيف اسمر + الغموس المتوفر المذكور ف الافطار وممنوع منعا باتا الطعمية والبيض المقلى

بعد العشاء بساعة تناول لبن بارد منزوع الدسم غير محلى


---------------------------------------

الممنوعــــــــات:-
1-جميع انواع المخللات والموالح سوى اسماك أو فواكة
2-جميع انواع التسالى والمقرمشات والعجائن الصناعية
3-جميع انواع المقالى والمحمرات فى السمن أو الزيت
4-جميع انواع المسـبك والكـريمة والحــلويات الدسمـة
5-جميع انواع الشاى والمشروبات بالصودا وكاملة الدسم


---------------------------------------

المشــروبــات:-
يانســون _ كراوية _ نعنــاع _ حلبة _ جنزبيل _ عصائر فرش
**وتحــلى بالعسل الابيض ويفضل عدم التحلية


--------------------------------------
ملاحظـــات هامــة:-
1- يجب ادخال بهارات ( كمون و كركم و كسبرة ) ف معظم الاطعمة
2-جميع انواع المشروبات تحلى بالعسل الابيض ومن الافضل عدم تحليتها
3-عدم تناول العسل الاسود أو عصير القصب
4-ف حالة الرغبة فى تناول البلح لا تزيد عن 4 بلحات فقط اما الموز فلا تزيد عن 4 موز أما البرتقال فلا يأكل الاا ابو صرة أو السكرى
5-يجب عدم النوم بعد تناول الوجبات مباشرة وان لا تقل الفترة بين الاكل والنوم عن ساعتين
6-يجب المشى من نصف ساعة الى ساعة يوميا بحركة شبة سريعة
7-عدم تناول اى نوع من الادوية أو الحبوب الا بعد استشارة الطبيب
8-بالنسبة للعصائر اليدوية تحلى بالعسل الابيض ويراعى عدم تناول العصائر المعلبة
9-عدم شرب المياة اثناء تناول الطعام